Сёння галоўнай пляцоўкай раённага свята стала гасцінная зямля аграгарадка Кухчыцы. 
Тут сабраліся лепшыя хлебаробы, кіраўнікі гаспадарак, паважаныя госці і ўсе, хто мае дачыненне да шчодрых дароў беларускай нівы.
Сёлетні ўраджай стаў сапраўдным трыумфам працавітасці Клецкіх аграрыяў. У агульную хлебную скарбонку раёна сабрана 101 946 тон зерневых культур і рапсу. Гэты вынік — плён высокага прафесіяналізму, тэхнічнай перааснашчанасці і, галоўнае, шчырай любові да роднай зямлі.
Урачыстая цырымонія ўзнагароджання
Са словамі падзякі да працаўнікоў звярнуліся старшыня Клецкага раённага выканаўчага камітэта Юрый Пятровіч Карловіч, дэпутат Палаты прадстаўнікоў Нацыянальнага сходу Андрэй Іванавіч Ліс, а таксама шматлікія ганаровыя госці з Мінскай вобласці і сталіцы.
Найлепшыя працаўнікі атрымалі заслужаныя ўзнагароды:
- Раённы пераходзячы прыз імя Аляксандра Шлапакова уручаны старэйшаму камбайнеру ААТ «Кухчыцы» Паўлу Міхайлавічу Шуцілу.
- Ганаровыя граматы і Падзякі Мінскага аблвыканкама, раённага выканаўчага камітэта і Міністэрства сельскай гаспадаркі атрымалі перадавыя механізатары, вадзіцелі, аператары зернесушыльных установак і кіраўнікі гаспадарак.
- Сярод узнагароджаных — прадстаўнікі ААТ «Кухчыцы», ААТ «Морач», ААТ «Клецкі камбікормавы завод», КСУП «Племянны завод Чырвоная Зорка» і іншыя прадпрыемствы раёна.
Асаблівая падзяка была выказана механізатарам, якія пасля завяршэння ўборкі ў сваіх гаспадарках аказалі дапамогу калегам з Мінскага і Дзяржынскага раёнаў.
Свята традыцый і народнай творчасці
Гасцей радавалі не толькі ўрачыстыя словы, але і яркая культурная праграма. На сцэне выступілі народны вакальны ансамбль «Бацькаўшчына», узорны харэаграфічны калектыў «Ювента», юная зорка тэлешоў «Фактар.BY» Вікторыя Бадытчык, а таксама вакальныя і танцавальныя калектывы з ўсяго раёна.
Асаблівым упрыгожаннем свята сталі традыцыйныя конкурсы:
- Пераможцамі ў конкурсе на лепшую саламяную скульптуру сталі ААТ «Морач» і ААТ «Кухчыцы».
- У конкурсе святочных снапоў перамаглі ААТ «Клецкі райаграсэрвіс» і ААТ «Грыцэвічы».
Эстафета «Дажынак»: новым гаспадаром свята стане КСУП «Племянны завод Чырвоная Зорка». Урачыстым фінальным акордам стала перадача галоўнага дажыначнага снапа. У 2027 годзе мясцовай сталіцай свята працаўнікоў сяла стане камунальнае сельскагаспадарчае ўнітарнае прадпрыемства «Племянны завод Чырвоная Зорка». Сімвалічны сноп з рук Юрыя Пятровіча Карловіча прыняў дырэктар прадпрыемства Арцём Яўгеньевіч Рудко.
Свята працягваецца!
Урачыстая частка перайшла ў насычаную вечаровую праграму. У 20.30 для ўсіх прысутнічых выступілі лепшыя выканаўцы Клецкага раёна. У 21.00 гасцей чакаў канцэрт ансамбля казачай песні і танца «Маме нравится», а роўна ў 22.00 неба над Кухчыцамі азарыў святочны феерверк.
Да першай гадзіны ночы для ўсіх жадаючых працавала танцавальная пляцоўка.
Клеччына яшчэ раз даказала: дзе ёсць хлеб — там ёсць шчасце, а будзе хлеб — будзе і песня!
#Дажынкі2026 #Клеччына #Хлебаробы #Беларусь #Ураджай
